Category Archives: Uncategorized

Ramcar chungah a thihmi minung hna(Dying In The Wilderness) ================ Isarael mihna kha moses nih a hruaihna Pathian kamhmi kanaan ram an kal lioah kanaan ram phakkhawh loin ramcar chungah a thihmi hna kha zeibantuk lungput,ruahnak le thinlung a thurhnawmmi an si timi van zoh than tuah hna u sih. Isarael mi ramcar an phak tikah reuben le Gad mihna hi midang raldo lio ah hmunhma aa cuhmi an si i,kanaan ram an phakkhawh lonak a si.moses nih Bawipa nan zulh loin nan pial ahcun ramlak ah hi mi hna hi a kaltak than ko hna lai i hi mi vialte hi nan hrawh ko hna lai pei, a timi hna bia a si. (Nambar 32:15 )Nannih Reuben mi hna le Gad mi hna nih Bawipa kha zul loin nan pial ahcun, ramlak ah hi mi hna hi a kaltak than ko hna lai i hi mi vialte hi nan hrawh ko hna lai pei,” tiah a ti hna. Thlarau lei raldo lioah pumsa hmunhma tha le midang usapek peng duh i,hmunhma tha le mithmaitha a kawl i, ram aa cuh pengmi na si sual ah ramcar chungah a thih ding na si ko,kanmah tein i zoh than cang u sih. Isarael minih ramcar an phak tikah moses kha Izipt ram thlan a um lo caah maw thetse ram i thih awkah maw na kan chuahpi tiah an vuivaih an mawhchiat,thetse ram na kan chuahpi hi zoh tuah zeidah a si tiah an mawhchiat an zai. Pumsa ram in kan chuak i,thlarau lei ram kan panh thluahmah lioah,harsatnak kan ton i nun sivang kan lio ramcar kan phak lioah pumsa in kan nung lioah kan duhduh kan tuahmi pawl kha kan ngai i,pumsa in rak um ko u sihlaw a tha deuh tiah vuivaihnak kan ngeihpeng a si ahcun kan nun zoh than can a cuh cang. (Exodus 14:11) Moses cu an thawh i, “Izipt ram i thlan a um lo caah maw thetse ram i thih awkah hin na kan chuahpi? Izipt ram in na kan chuahpi hi zeidah a si ti cu zoh tuah ngat! Bawipa nih Izipt ramah kan that lawlaw sehlaw a tha deuh Izipt ahcun sa a um hram a um kan duh zat in rawl kan ei ramcar ramah rawl ei awk a um lo,rawltam in kan thih dih cang lai tiah an zaih i a vuivaih hna i,Izipt ram kha an zoh than i hnulei an i merh peng Izipt ram kha an ngai an duh peng hna. Exodus 16:3 “Bawipa nih Izipt ram ah khan rak kan that lawlaw seh law kan duh deuh hnga. Izipt ram ah khan cun sa um hram ah khan kan thu i kan duh zat in rawl kan ei. Sihmanhsehlaw atu cu hi ramcar chungah hin nan kan chuahpi i rawltam in kan thi dih cang lai,” an ti. Isarael mibu pi cu ramcar ah an um i an mit in zeihman ei awk an hmu lo tikah an an lungdongh i,ramcar thih dingah maw thetse ram cu a kan luh tiah an vuivaih.Pathian nih a hmangmi hna a soisel zungzal tu cu a thangchiat pengtu hna khi ramcar ah a thimi an si. Nambar 20: 4 Zeicaahdah Bawipa mibu cu ramlak ah hin na kan luhpi i hika ah hin kanmah he kan satil he kan thih ko lai? Isarael minih Moses kha an zaihnawh ti um lonak rawl um lonak rawl thalo ram kan fih tiah an zaihnawh. (Nambar 21:5 )Cun mi hna nih cun Pathian le Moses kha an zaihnawh hna i, “Zeicaahdah ramlak i thih awkah hin Izipt ram in nan kan chuahpi? Zeitintiah rawl a um lo, ti a um lo i, hi rawl thalo hi cu kan fih,” tiah an ti. Dtronomy 9:28 cu ti a si lo ahcun na kan chuahpinak ram nih khan, “Bawipa nih a kamhmi hna ram ah a luhpi khawh hna lo ca le a huat hna caah, ramlak i thah hna awkah a chuahpi hna,” tiah an ti sual hnga. Exodus 14:12 Hi bantuk thil a tlung te lai ti kha kan kal hlan in kan in chim cang lo mei? Kan in thawh i, ‘Kannih cu kan kaltak ko, Izipt mi sal si ko u sih,’ kan in ti. Hika thetse ram i thihnak cun sal si kha kan caah a tha deuh,” an ti. Nambar 14:2 Cun Israel mi vialte nih Moses le Aaron cu an zaihnawh hna; an bu ningin annih sinah, “Izipt ram ah khan rak thi u si law, a tha deuh hnga! Asiloah ramcar chungah hin hei thi dih ko u si law, a tha deuh hnga! 16 ‘Bawipa nih hi mi hna hi chiatser tein a kamhmi hna ram ah khan a luhpi khawh hna lo caah ramcar chungah a thah hna,’ an ti lai. 29 Nan ruak hna cu ramcar chungah an um lai; cun nannih lak i rel ciami vialte, kum kul ri in a cunglei keimah cungah a phunzaimi vialte kha, 32 Sihmanhsehlaw nannih tu cu nan ruak cu hi ramcar ah hin an um lai. 33 Cun nan fale hna cu mah ramcar chungah hin kum 40 tuukhal an si lai i zumhawktlak lo nan si caah nan ruak a hmanung bik cu hi ramcar chung i a ciamh dih hlantiang sifah an in lai. 35 Keimah, Bawipa, nih ka chim cang; keimah doh awkah aa pummi, hi mithalo hna hi an dihlak cungah mah hihi ka tuah hrimhrim lai: hi ramcar chungah hin an donghnak taktak cu an phan lai i khika ah khan an thi lai,” a ti. Nambar 26: 65 Zeitintiah annih cu Bawipa nih, “Ramlak ah an thi lai,” ti ah khan a rak ti. Jefunneh fapa Kaleb le Nun fapa Joshua dah ti lo cu annih lakah pakhat hmanh an taang lo. Nambar 27:3 “Kan pa cu ramlak ah khan a thi; amah cu Bawipa doh in aa pummi hna Korah bu chungah khan aa tel lo, sihmanhsehlaw amah sualnak ruangte ah khan a thi ko; cun fapa a ngei lo. Salm 106:26 Cucaah a fakmi ralrinnak kha a pek hna i, “Thetse ram chungah hin ka thah hna lai, Joshua 5:4 Cun mah hihi Joshua nih zei ruangah dah an cuarpar a tan hnanak cu a si: Izipt ram in a chuakmi pa vialte, ralkap vialte kha Izipt ram in an chuah hnuah ramlak ah khan lampi ah an thi dih. 1korin 10:5 Asinain a tam deuh nih cun Pathian kha an lawmhter lo i an ruak cu thetse ram hmun kip ah khan aa tthek dih. Hebru 3: 17 Aho cungah dah Pathian kha kum 40 chung a thin a hun? Sualnak a tuahmi, thetse ram i a thimi hna cungah khan a si. Ezekiel 20: 17 Asinain ka zaangfah tuk hna caah ramlak i hrawh le an donghnak phakter ko kha cu ka duh lo. Zumhtu khrihfa mi kan si i,Pathian nih a kan kamhmi ram thlarau / kanaan ram kan kal cuahmah lioah vawlei harnak le hnahnawhnak nih kan nun a van kan dengh tikah kan vuivaih i,kan nun kan fih i midang hna kan mawhchiat tawn hna Pathian duhmi nun a si lo,Cu bantuk thinlung put hna na ngeih ahcun ramcar chungah na thih sual lai.kan nunah midang khi a sual ngaimi le mi thalo hna ah va hmuh,hmurkaa in biatha chuak bal lo ,mi kong ceih hna rawlthaw ngaingai vaa ruat,midang kongceih hna i i nuam ngaingai ,midang nun va tah peng Pathian chihti thuhmi hna soisel peng,an nun a tha lo an chimmi ka ngai huam lo tiin vuivaih pengnak na nunah a um a si ah le midang nun va tah pengnak le Pathian bia phuangtu hna le Pathian riantuannak soisel tu pengnak nun na ngei ah cun a tu tein i zoh than ramcar chungah na thihnak hnga lo,Kanaan ram na co nak hnga ,midang nun na tah tawnmi le midang na kutdonghna sawh i midang sualnak na hmuh tawnmi le Pathian riantuannak na soiselmi hna kha nangmah le nangmah i zoh law ramcar thihnak chungin chuak i timh cang u sih.Cu bantuk nunah na um sual ahcun na nun kha nangmah tein i zoh than a cuh cang.Na thlarau a thih venak hnga lo na nun i zoh than midang nun ah a vuivaihmi na si maw,mah le mah nunah a vuivaihmi na si maw ,Pathian riantuannak na cohlang khawhlo vuivaih maw,tha tein na nun i zoh than tuah caan a liam hlan ah le na thih hlanah khi kalei orhlei,kehlei minung thalo nak lawnglawng na thluak le na thinlung ruahnak le na chimrelmi ah ai tel i vuivaih nunah na um sual maw cu bantuk mi cu hible ah kan hmuh ramcar chungah a thi mi pawl an si,ramcar chungah thih na duh lo a si ahcun vuivaihnak le phun zaihnak, Bia chiakha,thinlung chiakha ruahnak chiakha,lungput chiakha,Pathian bia zei rello nak nun chungin thlacam in teih i zuam hna u sih.isarael mi kum 20 cung poah lungput chiakha mi poah ramcar ah an thih dih.ramcar ah a thih ding na si ve sual maw ,i zoh than caan a cuh cang. Thlarau ram lei kan kal lioah taksa pumsa duhnak khi kan zoh than tawn taksa ramah um ko ning law a nuam deuh lai,thlarau ram duhduh in nun khuasa a ngah fawn lo,kan ti i lung awttawm in an um tawn,thlarau ram kan kal i vawlei harnak kan cungah a tlung tikah kan vuivaih i kan vaihvun tawn i pumsa duhduh tuah lio can hna an ngai i duhduh biachim holhrel mikong ceih mi thangchiat hna khi a nuam an ti lio can te hna khi an ngai than,cu bantuk nun cu ramcar harnak cu a si,cu bantuk chungah na um lio ko ahcun lam kawl ding a si cang ramcar chungah a thimi ah tello dingin pathian bia in luatnak kawl a herh. Na nunah mipiangthar timi le Pathian riantuannak soisel duh ngaimi lungput Pathian nih a hmangmi minung zohin soiselnak le midang nun va tah pengnak lungput ruahnak ziaza na ngeih peng ko cun ramcar chungah na thih lai.na thih lonak dingah Pathian biatak in zeitin kar ka hlang lai timi kawl a hau i luatnak na hmuh kho lai. Nangteh ramcar a thimi thinlung ruahnak lungput na ngeih sual ve maw,nangmah le nangmah in zoh than a cuh cang a can um lio ah can tha kawl thiam hna u sih.

Design a site like this with WordPress.com
Get started